التخطي إلى المحتوى الرئيسي

15 نصيحة ذهبية للثانوية العامة والازهرية - اختر نتيجة الثانوية بنفسك

الثانوية العامة و الثانوية الازهرية هي فكرة مخيفة لكثير من الطلاب رغم حقيقة انها سنة بسيطة مثل باقي السنين ولكن مشكلتها في الكلام الكثير حولها ... اطمئن :)
يوم ظهور نتيجة الثانوية العامة هو اليوم التي تنتظر فيه نتيحتك التي ستختارها بنفسك عن طريق مجهودك وتعبك طوال هذه السنة ... لكل مجتهد نصيب .. فاسعي لنصيبك :D


15 نصيحة مهمه لطلاب الثانوية العامة والازهرية - اختر نتيجة الثانوية العامة بنفسك


السلام عليكم ورحمة الله وبركاته
بسم الله الرحمن الرحيم
والصلاة والسلام علي اشرف المرسلين سيدنا محمد النبي الامي الامين 
ثم اما بعد :


اولا قبل اي حديث 

 كل المحتوي الموجود بهذه الصفحة موجود بتفاصيل اكثر بالفيديو الموجود في نهاية   الصفحة 


15 نصيحة من ذهب لاي حد داخل ثانويه عامة .
ما هي طريقة مذاكرتي في الثانوية العامة ؟
ازاي تبدا مذاكرة للثانوية صح ؟
ازاي تنظم وقتك في تالته ثانوي ؟؟


 الاجابة علي هذه الاسئلة كلها تتلخص في هذه النصائح المجمعه من طلبة كلية الطب  البشري بجامعة الازهر في اول سنة لهم بعد الثانوية 

1 - السنة دي زي اي سنة دراسية سهله ومش مستاهله :
بمعني متتوترش ، ومتخافش ومتركزش مع كلام الناس كلها .. ركز في كلام اللي بمر بالفعل بالسنة دي ونجح فيها 

2 - تفتكر ايه هيفضلك عن غيرك بالكلية الكويسة ؟ ايوه بالظبط كده ... مجهودك :
نجتهد بقا هاه ونشد حيلنا كده :D

3 - إنك تكون راجل مع نفسك ... خلص الكلام :
يعني متوقعش .. تنوي النجاح ومتزهقش ... تقول هتعمل وتعمل 

4 - متضغطش علي نفسك اكتر من اللازم لكن اعمل اللي مطلوب منك :
بمعني متبداش بغشم وعاوز تسوي الهوايل وتجيب اللي هنا واللي هناك ... لكن في نفس الوقت متبداش مقصر ... كفاية بس تعمل اللي مدرسك بيطلبه منك 

5 - اوعي تسيب الحفظ حتي لو فاهم .. طالما مش حافظ مش هتجاوب اجابة 100% :
اختار المدرس اللي يحفظك ويفهمك حتي لو فيه مدرس احسن منه في الفهم ولكنه مش بيتابع الحفظ .
حفظت ؟ اوعي متفهمش ... متحطش الحفظ اولا وتركن الفهم اصلا .. في تالته ثانوي بيحبو يجيبو امتحانات فيها لف ودوران بيعتمد علي فهمك للمعلومه ... لكن انت هتفهم المعلومه وبعدين هتجاوب ازاي لو مكنتش حافظها ؟؟ 
فهمت قصدي ؟ لازم تبقي حافظ وفاهم :)

6 - بلاش تتنطط بين المدرسين ... بلاش تغير المدرسين ... اثبت عند المدرسين :
فيه طريقة تانية اقول بيها ؟ متغيرش المدرسين غير للضرورة ... في خلال شهر 10 تكون عرفت كل المدرسين وجربتهم واستقريت عندهم .

7 - تقصيـــــــــــر ... مش عااااوز ... كله علي نفوخك :
بمعني انك اقل حاجه تعملها هي اللي المدرس طالبها منك سواء تسميع او واجب او حفظ او ايا كان ... عاوز تزود خير وبركه بس من غير ما تضغط علي نفسك .. لكن تنقص لااااااا


 الامتحان اولوية 
 الامتحانات الشهرية مهمه 
 اوعي تغيب من امتحان 
 اهتم بالامتحانات 
 امتحانات الشهر زي امتحان اخر السنه 
 خد بااالك من الامتحانات 
 اوعي تقصر في الامتحانات الدورية دي . 

8 - دايما تقدر توصل للافضل .. خلي طموحك كبيرة ومتحجمش نفسك مهما كنت بتفكر في نفسك ... ربنا خلقنا كلنا متساويين بمعايير مختلفه وطالما غيرك قدر فانت تقدر 
ومفيش حاجه اسمها انا جامد ومتفوق من قبل كده وتالته ثانوي هتبق ولا حاجه بالنسبالي والمادة الفولانية سهله مش هذاكرها جامد وانك تفتكر نفسك جاااامد ... لا فكك ي حبيبي
تالته ثانوي توفيق من عند ربنا ... انت بتتعب في كل مادة عشان تنال التوفيق يوم امتحانها ... لكن كون المادة سهله او صعبه او انت مستواك ايه مش هو اللي هيحدد درجتك 100% في الامتحان 

9 - ممنوع الغياب تحتها 100 خط .. ممنوع الغياب من امتحان تحتها 1000 خط 

10 - احنا مش قولنا مفيش يأس وزهق ونكمل ؟ طاب لو لقيت المنهج اتراكم عليك ؟ ولقيت نفسك في نص السنة بتضيييع .... احساس عادي جدا علفكرة :) 
متزهقش بقا ومتيأسش وراجع نفسك وجدولك وكمل تاني 

11- تكمل مع المدرسين للاخر ... متقعدش وتقول هراجع مع نفسي في البيت غير لما المدرس هو اللي يقولك خلاص كدا اقعد في البيت . دا خطأ شائع وكتير بيقعو فيه .. اوعي لان وقت المراجعه ده اهم 1000 مرة من السنه كلها .. في المراجعه دي هتفهم حاجات اكتر وهتحفظ اللي مكنتش حافظه وهتاكد علي اللي حافظه وهطبق علي منهجك بايدك وتحل وتسال وتشوف امتحانات اكتر .

12 - عدد ساعات المذاكرة مش محدد : سيب لنفسك ولجسمك ولربك ولاسرتك جزء من وقتك بمعني متضغطش علي نفسك بعدد ساعات كبير .. ومتقولش هذاكر نص ساعه بس مثلا ... افضل وقت للمذاكرة حسب عادتك ولكن زي مالكل بيقول افضل وقت هو فعلا الصبح بعد الفجر ... نظم نومك ... نظم نومك ... نظم نومك 

13 - لو مدرس عطاك اجازة او كان فيه عيد او مناسبة او اي شي في نص السنه الدراسية حاول تستمتع بيها وتاخد بريك لنفسك ... بلاش ضغط طول السنه .

14 - المرء علي دين خليله : الصاحب اللي هيوقعك ابعد عنه دراسيا ودي مفيهاش زعل . ومتقارنش نفسك بحد اسوء منك او تقارن نفسك بحد احسن منك وتستحقر نفسك ...
طريقة المقارنة الوحيده اللي صح هي انك تقول بسم الله ما شاء الله فلان قدر يعمل كذا وانا كمان هقدر ان شاء الله .
ومتستحيش تسئل زمايلك في حاجه مش فاهمها .. او تسال مدرس ... او تبحث بنفسك .. المهم متطنش معلومه انت مش فاهمها .

15 - الدعااااء اخر حاجه واهم حاجه .... ادعي لنفسك ولاهلك اللي مستنين درجتك وادعي انك تفرحهم وتفرح نفسك وادعي بكل حاجه تحتاجها .

 نلخص بقا كل اللي اتقال كدا : 
 
 3 ثانوي 
 سنة سهلة متتوترش 
 هتتعب فيها هتلاقي 
 تبدا جد واهم حاجه تختم جد 
 من غير ما تضغط علي نفسك 
 تختار المدرسين الصح وتثبتهم 
 واوعي تغيب من عندهم وكمل للاخر 

 اوعي تيأس ... إدعي 


 الفيديو اهوه فيه تفاصيل اكتر لكل النصايح دي :) 




ربنا يوفقك ويصلحلك احوالك ويهديلك طريقك ويرزقك الخير
ربنا معاك ي بطل ;)

نرجوا ان تكون قد استفدت من هذا الموضوع علي موقع جيل تاني - Geel Tany وان تفيد غيرك بنشر هذا الموضوع ، كما يمكنك ترك آراءك وتعليقاتك بالاسفل، وشكرا :)

تعليقات

المشاركات الشائعة من هذه المدونة

كيفية الحصول على حساب Canva pro مجانا بالصور (2023)

موقع كانفا هو أفضل وأسهل بديل للفوتوشوب حاليا ويمكنك استعماله الان بكل سهوله والربح من خلاله عن طريق تصميم صور احترافية لمواقع التواصل الاجتماعي او الاعلانات الممولة او حتي الصور المصغرة في اليوتيوب في هذه المقالة سنتعرف على طريقة الحصول على كانفا برو مجانا وبكل سهولة بالخطوات من خلال الفيديو أ ولا يجب ان توفر حساب تعليمي ما هي الحسابات التعليمية المؤهلة للحصول على كانفا برو مجانا ؟ - ايميل معلم - ايميل جامعي - بالاختصار اي ايميل يحتوي على كلمة .edu بعد حصولك على الايميل الجامعي سواء خاص بك او من احد اقاربك او معارفك ملحوظة 1 : اذا لم تستطع الوصول لايميل جامعي فقم بانشاء حساب عادي علي كانفا واترك ايميلك في تعليق علي هذه المقالة وسوف يقوم باضافتك احد القراء الكرام المتوفر لديهم ايميل جامعي ملحوظة 2 : هناك بعض الايميلات التعليمية التي لا تدعم الحصول علي كانفا برو مجانا (Canva Education) ملحوظة 3 : يرجي من المتابعين الذي سوف تعمل معهم الطريقة اضافة اخوانهم من التعليقات كما سنشرح في نهاية المقالة يمكنك البدء في هذه الخطوات بالصور للحصول علي حساب كانفا برو مجاني  خطوات الحصول علي كانفا برو

إضافة معلومات ضرائب جوجل ادسنس خطوة بخطوة بالصور

كيفية إضافة معلومات ضرائب جوجل ادسنس خطوة بخطوة بالصور - Google Adsense tax منذ أيام تفاجأ صناع المحتوى برسالة في يوتيوب و جوجل أدسنس تخبرهم ان " عليك ضرائب فى جوجل " وهذه هي نص رسالة جوجل أدسنس " مهم: تحقق مما إذا كانت معلومات الضرائب الإضافية مطلوبة منك. يجب أن يرسل كل الشركاء ومنشئي المحتوى في YouTube معلومات الضرائب لضمان دقة الضرائب السارية على الدفعات " هل عليك ضرائب فى جوجل علي ارباح ادسنس ؟ نعم ، هذه القرار بخصوص ضرائب اليوتيوب الجديدة تم اعلانه منذ فترة :  يوتيوب يفرض ضرائب علي منشئي المحتوي في هذه المقالة ساوضح لك طريقة ضبط اعدادات جوجل ادسنس و ملأ معلوماتك الضريبية بشكل صحيح بالصور و بدون خبير ضرائب أو محاسب . نبدأ بسم الله خطوات إضافة المعلومات الضريبية في جوجل أدسنس . قم بتسجيل دخولك علي Google Adsesnse حتي تستطيع تقديم المعلومات الضريبية ان كان يظهر لك تنبيه اضافة المعلومات الضريبيه ، قم بالضغط على إضافة المعلومات الضريبية وتخطي الثلاث خطوات المقبلة . من الثلاث شرط بالاعلي قم بفتح صفحة الدفعات في ادسنس في أسفل الصفحة اضغط علي إدارة الإعدادات

طريقة ضغط الملفات وتصغير حجمها بسهولة جدا وبدون برامج او Winrar

ضغط الملفات هو الحل الامثل لبعض المشاكل مثل : - تصغير حجم الملفات ذات الحجم الكبير بهدف تخزينها او نقلها او رفعها علي الانترنت  - حماية الملفات الخاصة بك عن طريق وضع كلمة سر للملف المضغوط - ارسال الصور دون تغيير الجودة عن طريق ضغطها ثم ارسال الملف المضغوط يمكنك ضغط الملفات بدون برامج وهذا سنشرحه الان ، ولكن تنقص هذه الطريقة بعض المميزات ولذلك سنشرح ايضا برنامج ضغط الملفات Winrar والذي يعتبر هو القائد في هذا المجال حيث انه سهل وسريع ومجاني (هو ليس مجاني ولكنه يعمل دون التفعيل 😂) كيفية ضغط الملفات بدون برامج ؟ ستذهب الي المجلد او الملف الذي تريد ضغطه وتصغير حجمه ستتأكد ان اسم الملف مكتوب باللغة الانجليزية والا فقم بتغيير اسمه تضغط علي الملف بزر الفأرة الايمن  تختار "Send to" ثم تختار compressed (Zipped) folder سيقوم بالتحميل قليلا لينتج لك ملف مضغوط بصيغة .Zip ويمكنك اعادة تسميته كيف تشاء كيفية فك الملف المضغوط بدون برامج ؟ ستذهب الي الملف المضغوط بصيغة Zip. فقط تضغط عليه ضغطتين بزر الفأرة الايسر لتفتحه بشكل عادي ستجد الملفات المضغوطة قم بسحبها